#在家抗疫日常 #第48日 #情緒
留在家已經進入差不多50日，妹妹些莉妹佢可能仲細，對於要長期呆在室內無咩問題，每日開心扎扎跳。可是，五歲的家姐柯豬已經很懂事，亦好識得同我「投訴」。最近有幾個朝早情•緒•崩•潰•聲•淚•俱•下•同我講：「媽咪，我真係好傷心，好難過！😭😭😭」
「外面啲人咁曳攪到周圍有武漢肺炎，我無得番學，無得出街，每日淨係可以喺屋企玩玩具、畫下畫，或者去婆婆屋企(3分鐘車程的距離) 食飯。。。」
「我真係好想可以出街，唔想淨係坐喺爸爸車入面(全家出動去買餸但得我自己落車) ，我想跟你去買餸。。。」
(下刪1000字)
每次我聽到柯豬為不能外出而發脾四都到好無奈，只好理性地搬出理由同佢講真係唔出得街呀，好多確診 case呀，有隱形病人呀，商場街市嗰啲更加危險呀。。。講完佢又再喊，喊多陣就會收拾心情靜下來。
除了照顧家人的飲食和家務，做阿媽嘅仲要顧及埋小朋友的負面情緒，佢壓力爆煲大喊，我都想爆呀講真！！😭😢😖 我又何嘗唔想出去抖下氣？放下風？不過喺咁嘅時根本無得揀，唯有拎我最鐘意的香水出嚟噴一噴 (我鐘意噴後頸髮尾左右各一下♡) ，幫自己用香氣減壓，就算只是在屋企都可以｢懶｣優雅地拖地煮飯~~~
#媽媽都要照顧自己的情緒！ #大家加油！
#其實哩40幾日都有去過幾次公園玩
#五點後人少先去公園
#戴住口罩瀡滑梯好熱但都無計
#撐下去 #唔好鬆懈
Search